Inskrywings 2016

2015

Mnr de Vos verjaar.  Baie geluk Mnr!

DSC 4674

 

Ons eie Dehan von Solms tree op in die Atterbury: “Herlaai 2015”

Afrikaans-Herlaai-400-x-400

 

 

Ons deel graag met u die volgende persvrystelling: Hulle is jonk, energiek en trots Afrikaans! Die viertal - Dehan von Solms, Eunice Kemp Carlyn Margo Fransman en Whaden Johannes - is gereed om van die mooiste liedjies in Afrikaans aan ‘n nuwe generasie Afrikaanse jongmense bekend te stel met hul debuutalbum “Afrikaans Herlaai ‘. Tydlose gunsteling se soos Sproetjies, Ek verlang na jou, Kinders van die wind, Lisa se klavier, Ek loop die pad, Die gang, Droomvrou en Ek wil jou ken word in uiteenlopende genres – van pop-, rock- en dansritmes tot middelmoot, folk en Ierse klanke – vernuwe.

Dit is die resultaat van ‘n sosiale mediasoektog na splinternuwe talent deur die musikant, verwerker, regisseur en vervaardiger Douw Steyn. “Die jeug ken nie die gehaltetreffers van gister wat tot die ontwikkeling en verskeidenheid van Afrikaanse musiek bygedra het nie.,” sê hy. “Hedendaagse Afrikaanse musiek bestaan meestal uit kitsreseppies met min blywende waarde. Op hierdie album het ons in die ryk skatkis van liedjies gedelf waar die klem op musiek én liriek val. Die verwerkings en vertolkings is byderwets en sal nie net by jong luisteraars aanklank vind nie, maar sal mense wat die treffers ken, met hernieude belangstelling na die liedjies van ondere andere Gé Korsten, Johannes Kerkorrel, Koos Kombuis, Lucas Maree, Anneli van Rooyen en Amanda Strydom laat luister.” Bladsy 2 van 4 Die vier talentvolle nuwelinge is uit oor die 200 demo-opnames gekies. Douw het daaruit ‘n Top 30 saamgestel en die hoopvolles vir ‘n ateljee-oudisie genooi. Hy het in samewerking met die kunstenaarbemarker, Lydia Winchester, en die multi-bekroonde musiekvervaardiger, Boet Pretorius, die vier belowendste nuwelinge gekies. “Elkeen het ‘n unieke talent en aanslag en ons was dit almal eens: hulle is die gesig en klank van “Afrikaans Herlaai”. Die liedjies hierop is: Liedjie vir jou (Jannie du Toit), Ek verlang na jou (Sonja Herholdt), Ek wil jou ken (Anneli van Rooyen), Lisa se klavier (Koos Kombuis), Kinders van die wind (Koos du Plessis), Dis nog net jy (Johannes Kerkorrel), Die gang (Laurika Rauch), Liefling (Gé Korsten) Ek, jy en ons twee (Anton Goosen), Sproetjies (Sias Reinecke), Droomvrou (Lucas Maree), Ek loop die pad (Amanda Strydom) en Hier's my hand (Christa Steyn). Dié liedjies is verwerk vir klavier (Carli Spies en Raymond Verster), kitare (Joshua Oosthuizen en Douw Steyn), baskitare (Danny Lalouette en Jan Wolmarans), tromme (Vinnie Henrico en Theuns Botha), perkussie (David Klassen) en selfs die banjo (Ricus Nel), viool (Herman Steyn) en tjello (Susan Mouton).

Douw en sy produksiespan het die album in Bangkok en Zurich gemeng om die beste klankgehalte te verseker. Die album word onder die onafhanklike plate-etiket “Son Records “ uitgereik. Douw en sy ma, die geliefde en gevierde musikant, Christa Steyn, se ateljee was as Studio of Note bekend. Hy het dit as huldeblyk ná haar afsterwe na “son” (wat op seun sinspeel) verander. “Dié album dui ook op ‘n geesdriftige herlewing,” sê Douw. Geniet die vernuwende. Na maande se harde werk, word die nuwe CD vrygestel tydens ‘n optrede in die Atterburyteater op Dinsdag, 25 Augustus.

‘n Musiekvideo is gemaak van Dehan se weergawe van Jannie du Toit se “Liedjie vir jou” en dit sal binnekort begin speel op Kyknet. Van die liedjies word ook op GrootFM gespeel. Dehan maak ook binnekort sy eerste TV-verskyining op Kyknet se Jam en Jukebox. Ons skool en gemeenskap moet opruk om hom in die Atterbury te ondersteun. Meer inligting oor ‘n moontlike blokbespreking volg eersdaags. Met trots hou ons, ons blink ster se vordering dop!  Besoek ook http://www.atterburyteater.co.za/event/afrikaans-herlaai/ vir meer inligting.

Wilgie-groete

Bernhard de Vos Hoof